13.12.2024 | 20:46
Վթար Ազատավան գյուղում. կան տուժածներ և զոհ
Իրանի ներգրավման վտանգ կա, պետք է պատրաստվենք․ Սալիվան
Քաղաքականություն
15.10.2023 | 20:10
Կա այս հակամարտության սրման, հյուսիսում երկրորդ ճակատի բացման և, իհարկե, Իրանի ներգրավման վտանգ. այս մասին CBS հեռուստաընկերությանը տված հարցազրույցում նշել է ԱՄՆ նախագահի ազգային անվտանգության հարցերով խորհրդական Ջեյք Սալիվանը:
«Ահա թե ինչու նախագահն այդքան արագ և վճռականորեն քայլեր է ձեռնարկում Արևելյան Միջերկրական ծով ավիակիր նավ տեղափոխելու համար, քանի որ նա ցանկանում է զսպման շատ հստակ ուղերձ հղել ցանկացած պետության կամ ցանկացած դերակատարի, որը կձգտի օգտագործել այս իրավիճակը»,- ասել է Սալիվանը:
Սալիվանը Լիբանանի «Հեզբոլլահ» շարժումն անվանել է «Իրանի պրոքսի ուժ» և նշել, որ ԱՄՆ-ին մտահոգում է շարժման ներխուժումը Իսրայելի հյուսիսային սահման՝ զգալի ռազմական հզորությամբ։
«Վերջին մի քանի օրվա ընթացքում տեսել ենք փոխհրաձգություններ հյուսիսային սահմանի հատվածում, որոնք միայն մեծացնում են էսկալացիայի վտանգը: Չենք կարող բացառել, որ Իրանը կընտրի ուղղակիորեն ներգրավվելու ճանապարհը. մենք պետք է պատրաստվենք ամեն հնարավորին»,- նշել է խորհրդականը։
