Քաղաքականություն
14.10.2023 | 17:11
ՀՀ ԱԳՆ խոսնակ Անի Բադալյանը X-ի (նախկին Twitter) իր միկրոբլոգում անդրադարձել է Եվրոպայի խորհրդի խորհրդարանական վեհաժողովի ընդունած բանաձևին:
«Լեռնային Ղարաբաղի վերաբերյալ ԵԽԽՎ բանաձևն ու հանձնարարականները վերաբերում են Լեռնային Ղարաբաղից հայերի բռնի տեղահանումից բխող մարդասիրական ծանր հետևանքներին և մարդու իրավունքներին: Բանաձևում ներկայացվում են Ադրբեջանի կողմից իր կանոնադրական և անդամակցության պարտավորությունների լուրջ խախտումներին արձագանքելու մեխանիզմները»,- գրել է Բադալյանը:
Հիշեցնենք՝ հոկտեմբերի 12-ին ԵԽ Խորհրդարանական վեհաժողովն ընդունել է «Հումանիտար իրավիճակը Լեռնային Ղարաբաղում» բանաձևը և համանուն խորհրդատվությունը։
