30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Բաքուն և Մոսկվան քննարկում են Տիխորեցկ-Բաքու նավթամուղով մատակարարումների ընդլայնումը
Քաղաքականություն
13.10.2023 | 23:30
Մոսկվան և Բաքուն քննարկում են ռևերսով շուրջ 4 միլիոն տոննա ռուսական նավթը Ադրբեջանին մատակարարելու տարբերակը Տիխորեցկով անցնող նավթամուղով, որը ներկայում թերօգտագործված է։ Նման տարբերակը ավելի շատ ձեռնտու է Ադրբեջանին, որը ռուսական նավթի վերամշակմամբ կկարողանա շահույթով արտահանել իր նավթը։
Ադրբեջանական լրատվականների հաղորդմամբ՝ Մոսկվայում Ադրբեջանի Էներգետիկայի նախարար Փարվիզ Շահբազովը և ՌԴ փոխվարչապետ Ալեքսանդր Նովակը քննարկել են Տիխորեցկ-Բաքու նավթամուղի ընդլայնման հարցը, որը ՌԴ-ից նավթի ռևերսային մատակարարումների հնարավորություն կտա։
Կողմերը նաև քննարկել են նավթի և գազի, էլեկտրաէներգիայի և միջուկային ոլորտներում երկու երկրների համագործակցության ընդլայնման հարցերը։
Նովակն էլ հայտարարել է, որ նավթամուղի ընդլայնումից հետո նավթի մատակարարումների ծավալը դեպի Ադրբեջան հետագայում կարող է հասնել մինչև 4 մլն տոննայի։
Էմմա Չոբանյան
