06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
«Հըզբոլլահ»-ը պատրաստ է միանալ ՀԱՄԱՍ-ին Իսրայելի դեմ պատերազմում, «երբ ժամանակը գա»
Քաղաքականություն
13.10.2023 | 22:51
Լիբանանյան շիա արմատական «Հըզբոլլահ» խմբավորումը պատրաստ է աջակցել ՀԱՄԱՍ-ին Իսրայելի դեմ պատերազմում, երբ «հարմար ժամանակը գա»։ Այս մասին հայտարարել է կազմակերպության փոխնախագահ Նաիմ Քասեմը Բեյրութի հարավային արվարձաններում ի պաշտպանություն պաղեստինցիների կազմակերպված ցույցի ժամանակ, փոխանցում է BBC-ի ռուսական ծառայությունը:
Ավելի վաղ իսրայելա-լիբանանյան սահմանին ստեղծված լարված իրավիճակի պատճառով Իրանի արտաքին գործերի նախարար Հոսեյն Ամիր Աբդոլլահիանը հանդիպել է «Հըզբոլլահի» առաջնորդ շեյխ Հասան Նասրալլայի հետ։
Նա նշել է, որ Գազայում պաղեստինցիների դեմ «ռազմական հանցագործությունների շարունակումը, անկասկած, կառաջացնի դիմադրության հավաքական արձագանք»։
Շատերը մտավախություն ունեն, որ Իսրայելի պատերազմը ՀԱՄԱՍ-ի հետ նոր ընթացք կստանա, եթե «Հըզբոլլահ»-ի զինյալները միանան դրան:
