16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Պեսկովը հայտնել է, թե Պուտինն ու Ալիևը Ռուբեն Վարդանյանի հետ կապված իրավիճակը հանդիպման բաց հատվածում չեն քննարկել
Քաղաքականություն
13.10.2023 | 17:59
Բաքվի կողմից առևանգված Արցախի նախկին պետնախարար Ռուբեն Վարդանյանի շուրջ իրավիճակը ՌԴ նախագահ Վլադիմիր Պուտինն ու Ադրբեջանի նախագահ Իլհամ Ալիևը չեն քննարկել նախօրեին տեղի ունեցած հանդիպման բաց հատվածում։ Այս մասին լրագրողների հետ զրույցում ասել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Ո՛չ։ Եղել է դեմ առ դեմ զրույց, բավական երկար։ Ես չգիտեմ, թե ինչի մասին է խոսք գնացել»,- ասել է Պեսկովը՝ պատասխանելով համապատասխան հարցին։
Նշենք, որ Պուտինի ու Ալիևի հանդիպումը տեղի է ունեցել նախօրեին Բիշքեկում ԱՊՀ երկրների ղեկավարների գագաթնաժողովի շրջանակում։
Հիշեցնենք՝ Բաքուն սեպտեմբերի 27-ին առևանգել է Ռուբեն Վարդանյանին, ապօրինի ձերբակալել և շինծու մեղադրանքներ առաջադրել։ Ադրբեջանական դատարանը նրան 4 ամսով կալանավորելու որոշում է կայացրել։
Էմմա Չոբանյան
