07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
Թուրքիան պետք է ընտրի` ԵՄ-ի և ՆԱՏՕ-ի, թե՞ ՌԴ-ի, Իրանի, ՀԱՄԱՍ-ի և Հըզբոլլահի կողմից է․ Եվրահանձնաժողովի փոխնախագահ
Քաղաքականություն
13.10.2023 | 23:02
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Եվրահանձնաժողովի փոխնախագահ Մարգարիտիս Սխինասը նախօրեին Բրյուսելում ունեցած ելույթում ասել է, որ Թուրքիան պետք է միջազգային աշխարհաքաղաքականության մեջ կողմնորոշվի, գրում է ekathimerini-ն։
Դելֆիի տնտեսական ֆորումի կողմից կազմակերպված Արևելյան Միջերկրական և Հարավարևելյան Եվրոպայի 2-րդ համաժողովի ընթացքում պաշտոնյան նշել է, որ Թուրքիան պետք է ընտրություն կատարի ԵՄ-ի, ՆԱՏՕ-ի, նրանց արժեքների կամ Ռուսաստանի, Իրանի, ՀԱՄԱՍ-ի և Հըզբոլլահի կողքին լինելու միջև:
Նա նշել է, որ «անցյալ շաբաթ օրը բոլորն արթնացել են ՀԱՄԱՍ-ի կողմից Իսրայելի և անմեղ մարդկանց դեմ իրականացված կատաղի բազմակողմ ահաբեկչության մասին ցնցող լուրից։ ԵՄ անդամ բոլոր 27 երկրներն առաջին իսկ պահից միաձայն ճանաչել են Իսրայելի պաշտպանվելու իրավունքը, դատապարտել ահաբեկչությունը»։
«Թուրքիան պետք է ընտրի, թե պատմության որ կողմում է ուզում լինել՝ մե՞զ հետ՝ Եվրամիության, ՆԱՏՕ-ի, մեր արժեքների, Արևմուտքի, թե՞ Մոսկվայի, Թեհրանի, ՀԱՄԱՍ-ի և Հըզբոլլահի»,- ընդգծել է պաշտոնյան՝ հավելելով, որ «պատասխանը պետք է հստակ լինի»։
Միաժամանակ, նա նշել է, որ Թուրքիան Եվրոպայում և տարածաշրջանում կայունության հիմնական գործընկերն է, այնպիսի ոլորտներում, ինչպիսիք են միգրացիան և առևտուրը։ Սխինասը նաև քննադատել է, որ Անկարան չի մասնակցում Ռուսաստանի դեմ պատժամիջոցներին։
Էմմա Չոբանյան
