22.11.2024 | 23:06
Ադրբեջանի SOCAR-ը բանակցում է Թուրքիայում իր գազաբաշխիչ ցանցի բիզնեսի վաճառքի շուրջ․Bloomberg
Հայաստանի հավաքականը զիջեց Ռիգայում
12.10.2023 | 22:05
Հայաստանի ֆուտբոլի ազգային հավաքականը Եվրո 2024-ի որակավորման փուլում Ռիգայում 2-0 հաշվով պարտություն կրեց Լիտվայի հավաքականից, որը խմբի ետնապահն է։
Լատվիացիները խաղի հաշիվը բացեցին 39-րդ րոպեին։ Թիմերն ընդմիջման գնացին 1։0 հաշվով։
53-րդ րոպեին Մարկիս Օսսը մրցավարի հետ վիճելու համար երկրորդ դեղինը ստացավ ու հեռացվեց խաղադաշտից։ 10 հոգով մնացած լատվիացիները 68-րդ րոպեին անկյունայինի խաղարկումից հետո կրկնապատկեցին հաշիվը։
Չնայած խաղավերջում Հայաստանի հավաքականն ուներ տարածքային առավելություն, սակայն Պետրակովի թիմն այդպես էլ չկարողացավ գրավել մրցակցի դարպասը։
Հայաստանի հավաքականն այս պահին շարունակում է 7 միավորով մնալ 3-րդ հորիզոնականում։ Խորվաթիայի ու Թուրքիայի հավաքականներն ունեն 10-ական միավոր ու այսօր կխաղան միմյանց դեմ։
