24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
Ալիևն այսպես է վերաբերվում իր ժողովրդին, ինչ եք կարծում՝ ի՞նչ կանի հայ բնակչության հետ. սա էթնիկ զտում է. Փոլ Գավան
Քաղաքականություն
12.10.2023 | 21:18
Իռլանդիայից պատգամավոր Փոլ Գավանը ԵԽԽՎ նիստում Արցախի վերաբերյալ քննարկման ժամանակ հայտարարել է, որ նախորդ անգամ այդ ամբիոնից Լաչինի միջանցքի վերաբերյալ զեկույցի ժամանակ ասել է, որ Ադրբեջանի ռեժիմի նպատակն է՝ Լեռնային Ղարաբաղի բնակիչներին դուրս մղել տարածաշրջանից։
«Այս զեկույցը հստակ դատապարտում է Ադրբեջանին ԼՂ հայերի դեմ ռազմական հարձակումների համար։ Նշվում է նաև Լաչինի միջանցքի 10-ամյա շրջափակումը։ Ադրբեջանի պատվիրակներն ասում են, թե իրենց կառավարությունը կապ չունի հանկարծակի որոշման հետ, որ 100,000 տղամարդիկ, կանայք ու երեխաները լքել են իրենց հայրենիքը»,- ասել է Գավանը։
Պատգամավորը ներկայացրել է նաև Ադրբեջանում մարդու իրավունքների վատթար վիճակը՝ հավելելով․ «Ալիևն այսպես է վերաբերվում իր ժողովրդին, ինչ եք կարծում՝ ի՞նչ կանի հայ բնակչության հետ։ Հայերը լքում են այս տարածքը՝ 1000-ավոր տարիներ լինելով այնտեղ։ Առաջին հայկական եկեղեցին Ամարասի վանքն է՝ թվագրված չորրորդ դարով։ Սա նրանց տունն է, և հիմա 100,000 մարդ բռնի լքում է իր տները։ Սա ոչ այլ ինչ է, քան էթնիկ զտում»:
Եվրոպացի պատգամավորը նաև կոչ է արել պատասխանատվության ենթարկել Ադրբեջանի նախագահ Իլհամ Ալիևի ռեժիմին։
Էմմա Չոբանյան
