15.09.2026 | 19:14
Զախարովան հայտարարել է, որ ԵՄ-ին Հայաստանի անդամակցելու հանրաքվեի վերաբերյալ Մոսկվայի դիրքորոշումը չի փոխվել
Ես այստեղ եմ ոչ միայն որպես պետքարտուղար, այլև որպես հրեա․ ԱՄՆ-ն միշտ ձեր կողքին է․ Բլինքենը՝ Իսրայելում
Քաղաքականություն
12.10.2023 | 17:56
ԱՄՆ պետքարտուղար Էնթոնի Բլինքենը Իսրայել այցի ժամանակ խոստացել է, որ Միացյալ Նահանգները միշտ կաջակցի այդ երկրին, թեև նշել է, որ պաղեստինցիները նույնպես «օրինական ձգտումներ» ունեն, որոնք ներկայացված չեն ՀԱՄԱՍ զինյալ խմբավորման կողմից, գրում է France 24-ը։
«Դուք կարող եք բավականաչափ ուժեղ լինել ինքներդ ձեզ պաշտպանելու համար։ Բայց քանի դեռ Ամերիկան կա, դուք երբեք, երբեք ստիպված չեք լինի: Մենք միշտ այնտեղ կլինենք ձեր կողքին»,- ասել է Բլինքենը Իսրայելի վարչապետ Բենիամին Նեթանյահուի հետ հանդիպման ժամանակ։
Նա նաև հավելել է, որ «ամեն ոք, ով ցանկանում է խաղաղություն և արդարություն, պետք է դատապարտի ՀԱՄԱՍ-ի ահաբեկչությունը»։ Ըստ Բլինքենի՝ ՀԱՄԱՍ-ը չի ներկայացնում Պաղեստինի ժողովրդին կամ նրա օրինական ձգտումները՝ ապրելու անվտանգության, ազատության, արդարության հնարավորությունների և արժանապատվության հավասար միջոցներով։
Բլինքենը նաև խոսել է իր ընտանիքից ու հիշել, թե ինչպես է իր պապը փախել Ռուսաստանում հակասեմական ջարդերից, իսկ խորթ հայրը փրկվել նացիստական համակենտրոնացման ճամբարներից:
«Ես ձեր առջև ոչ միայն որպես Միացյալ Նահանգների պետքարտուղար, այլ նաև որպես հրեա»,-ասել է ԱՄՆ պետքարտուղարը։
Նա խոստացել է, որ Բայդենի վարչակազմը և Կոնգրեսը միասին կաշխատեն՝ ընդառաջելու Իսրայելի ռազմական ակնկալիքներին:
