30.04.2026 | 13:54
Մուստաֆաևի` Ջուջևան այցելելու հարց չի քննարկվել. Փաշինյան․ ՏԵՍԱՆՅՈՒԹ
Լավրովը հայտարարել է, թե ՌԴ-ն և Թուրքիան պետք է «համատեղ հակազդեն կեղծիքներին ու սադրանքներին»
Քաղաքականություն
12.10.2023 | 14:40
Ռուսաստանն ու Թուրքիան պետք է միասին աշխատեն՝ պայքարելու «կեղծիքների, սադրանքների, մեդիա տիրույթում ոչ բարյացակամների կողմից հայտնված ապատեղեկատվության դեմ», ինչպես նաև զարգացնեն փոխադարձ կապերն այս ոլորտում։ Այս մասին հայտարարել է ՌԴ ԱԳ նախարար Սերգեյ Լավրովը՝ դիմելով Մոսկվայում «Ռուսաստան-Թուրքիա. ԶԼՄ-ների դերը համագործակցության ամրապնդման գործում» կլոր սեղանի մասնակիցներին, փոխանցում է ՌԻԱ Նովոստին։
«Առաջին պլան է մղվում երկու երկրների ԶԼՄ-ների համակարգված գործողությունների անհրաժեշտությունը ընդհանուր տեղեկատվական մարտահրավերների և սպառնալիքների դեմ պայքարում, փոխգործակցության ալգորիթմների մշակումը՝ մեր չարակամների տարածած ապատեղեկատվության հետևանքները կասեցնելու նպատակով: Ելնում ենք անհրաժեշտությունից, որ հարկավոր է համատեղ հակազդել լրատվական դաշտում տարատեսակ կեղծիքներին»,- ասել է Լավրովը։
Նա խոստացել է օգնություն ցուցաբերել Ռուսաստանում հավատարմագրված թուրք լրագրողներին՝ հույս հայտնելով, որ Անկարան նմանատիպ վերաբերմունք կդրսևորի Ռուսաստանի Դաշնությունից ժամանած լրագրողների նկատմամբ։
Լավրովը նաև նշել է, որ ներկա միջազգային պայմաններում «երկու երկրների շուրջ բարենպաստ տեղեկատվական ֆոնի պահպանումը հատկապես պահանջված է»։
Էմմա Չոբանյան
