06.04.2026 | 19:10
Աշխարհի գավաթ․ Արթուր Դավթյանը՝ ոսկե մեդալակիր․ ՏԵՍԱՆՅՈՒԹ
Արցախում մնացած հայերի թիվը չի գերազանցում 40-ը․ Արտակ Բեգլարյան
Քաղաքականություն
12.10.2023 | 12:03
Արցախի նախկին պետնախարար Արտակ Բեգլարյանն արձագաքել է Ադրբեջանի նախագահ Իլհամ Ալիևի հայտարարություններին, թե, իբր, ԼՂ-ում «զինված խմբեր կան»։
«Երեկ բռնապետ Ալիևը հերթական անգամ առանց որևէ ապացույցի կեղծ հայտարարություն է արել՝ պնդելով, որ Արցախի անտառներում թաքնված զինված խմբավորումներ կան։ Իրականում, այնտեղ ոչ ոք չկա զինված և թաքնված, եթե ոչ Ադրբեջանի ահաբեկիչներ։ Արցախում մնացածների թիվը չի գերազանցում 40-ը»,-գրել է Բեգլարյանը X-ի իր էջում։
Հիշեցնենք, որ երեկ Ալիևը հայտարարել էր․«Այսօր ընթանում է խմբերից տարածքների մաքրման գործընթաց։ Մեր տվյալներով՝ այս տարածքում դեռևս կան որոշակի խմբեր թաքնված։ Սեպտեմբերի 20-ից հետո Ղարաբաղում զինված սադրանքներ եղան։ Տարածքը բավականին մեծ է, լեռնային և անտառապատ, ուստի՝ մեզ ժամանակ կպահանջվի տարածքը խմբերից ամբողջությամբ մաքրելու համար»,-ասել է նա։
