14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Լիքուդ»-ը և Իսրայելի ընդդիմությունը պայմանավորվել են ստեղծել արտակարգ կառավարություն և «պատերազմական կաբինետ»
Քաղաքականություն
11.10.2023 | 21:43
Իսրայելական լրատվամիջոցները հայտնում են, որ վարչապետ Բենիամին Նեթանյահուն և ընդդիմադիր «Ազգային միաբանություն» կուսակցության առաջնորդ Բենի Հանցը պայմանավորվել են արտակարգ կառավարություն ձևավորել, գրում է BBC-ի ռուսական ծառայությունը։
Չորեքշաբթի առավոտյան Նեթանյահուն և Հանցը հանդիպել են Իսրայելի պաշտպանության բանակի շտաբ-բնակարանում՝ Թել Ավիվում։ Հանդիպումը տևել է կես ժամ, որից հետո «Լիքուդ»-ը և «Ազգային միաբանությունը» ներկայացնող փաստաբանները սկսել են համաձայնեցնել մանրամասները։
Նշվում է, որ կստեղծվի «պատերազմական կաբինետ», որում կընդգրկվեն Նեթանյահուն, Հանցը և երկրի պաշտպանության նախարարը։
Հաղորդվում է, որ արտակարգ կառավարությունը «չի առաջարկի որևէ օրինագիծ կամ կառավարության որոշում, որը չի առնչվում պատերազմին», իսկ ղեկավար պաշտոններում բոլոր նշանակումներն ինքնաբերաբար կերկարացվեն պատերազմի ընթացքում:
Այն պահից, երբ Նեթանյահուն շաբաթ օրը պատերազմ հայտարարեց ՀԱՄԱՍ-ին՝ ի պատասխան Իսրայելի վրա հարձակման, հաճախակի կոչեր էին հնչում արտակարգ կառավարություն ստեղծելու մասին:
Վերջին օրերին Նեթանյահուն և Հանցը մի քանի անգամ հանդիպել են՝ մանրամասները քննարկելու համար, սակայն վերջնական համաձայնության են եկել միայն այսօր։
