15.09.2026 | 22:27
Արարատ Միրզոյանը հասարակական խորհրդի նիստում ներկայացրել է արտաքին քաղաքականության առաջնահերթությունները
Վաշինգտոնը հայտարարել է Ուկրաինային 200 մլն դոլարի ռազմական օգնության նոր փաթեթի մասին
Քաղաքականություն
11.10.2023 | 18:28
Միացյալ Նահանգները հայտարարել է Ուկրաինային ռազմական օգնության նոր փաթեթի մասին։ Այս մասին Պենտագոնի ղեկավար Լլոյդ Օսթինը հայտարարել է Բրյուսելում Ուկրաինայի պաշտպանության հարցերով կոնտակտային խմբի (Ռամշտեյնի ձևաչափ) 16-րդ հանդիպման սկզբում, գրում է DW-ի ռուսական ծառայությունը։
«Ես ուրախ եմ հայտարարել, որ Միացյալ Նահանգները 200 միլիոն դոլար է հատկացնում Ուկրաինային պաշտպանական աջակցության վերջին փաթեթի համար», – ասել է նա։
Օսթինի խոսքով՝ նոր փաթեթը ներառում է հակաօդային պաշտպանության զինամթերք, հրթիռներ, հրետանի և ճշգրիտ ավիացիոն զինամթերք, ինչպես նաև ռուսական անօդաչու սարքերին հակազդելու զենքեր։
Պենտագոնի ղեկավարն նշել է, որ Ռուսաստանի Դաշնություն լայնամասշտաբ ներխուժման սկզբից ի վեր ամերիկյան ռազմական օգնության ընդհանուր արժեքը հասել է 43,9 միլիարդ դոլարի։
