11.12.2025 | 18:35
ՊԵԿ փոխնախագահը 10 անշարժ գույք է հայտարարագրել, որից 8-ը՝ նվիրատվություն
Թուրքիան և Իտալիան կընդունեն Եվրո-2032-ը
Քաղաքականություն
10.10.2023 | 23:10
Թուրքիայի և Իտալիայի կողմից Եվրո-2032-ի անցկացման համատեղ հայտը հաղթել է․ այս երկրները կընդունեն Ֆուտբոլի Եվրոպայի առաջնությունը։ Այս մասին պաշտոնապես հայտարարվել է Շվեյցարիայի Նիոն քաղաքում ՈՒԵՖԱ-ի տնօրենների խորհրդի նիստից հետո, գրում են թուրքական լրատվամիջոցները։
Արարողության ժամանակ հայտարարվել է նաև, որ Եվրո-2028-ի անցկացումը շնորհվել է Միացյալ Թագավորության և Իռլանդիայի Հանրապետության համատեղ հայտին։
Եվրո-2032-ը կանցկացվի Թուրքիայի և Իտալիայի 10 քաղաքներում։ Երկու երկրներն ընտրել են 10-ական քաղաքներ: Միասնական թեկնածության պաշտոնական հայտարարությունից հետո երկու երկրների ֆեդերացիաները յուրաքանչյուր երկրում կորոշեն 5 քաղաք, որտեղ կանցկացվեն հանդիպումները։ Երկու երկրներում էլ կանցկացվեն նույնքան խմբային, մեկ ութերորդ փուլի, քառորդ և կիսաեզրափակիչ փուլերի հանդիպումները։
Էմմա Չոբանյան
