20.12.2025 | 11:19
Դավիթ Բաբայանը Բաքվի դատարանում ևս եզրափակիչ ելույթով է հանդես եկել
Ադրբեջանի ԱԽ քարտուղարը սպառնում է Հայաստանին
Քաղաքականություն
10.10.2023 | 15:39
Հայաստանի հետ հարաբերությունների վերաբերյալ հոդված է հրապարակել Ադրբեջանի Անվտանգության խորհրդի քարտուղար, գեներալ-գնդապետ Ռամիլ Ուսուբովը։ Նա իր հոդվածում սպառնալից բառապաշար է օգտագործում ՝ պնդելով, թե «խաղաղության պայմանագրի կնքումը կորցրած ամեն օր Հայաստանին մոտեցնում է ավելի մեծ կորուստների»։
«Քաղաքական քաոսը, տնտեսական և սոցիալական անկումը, կոռումպացված պետական ապարատը, ջախջախված բանակը և խայտառակ պարտությունը, վերջապես, քաղաքացիական կոնֆլիկտը, զանգվածային արտագաղթը և հայ ժողովրդի ողբերգություններն արտացոլող այլ նմանատիպ գործոններ, վկայում են այն մասին, որ Հայաստանն արդեն կանգնած է անդառնալի վերջնական փլուզման փուլում» – գրում է ադրբեջանցի պաշտոնյան։ Նա նաև նշում է, թե «խաղաղության պայմանագրի ստորագրումը, սահմանների սահմանազատումը այժմ ավելի անհրաժեշտ են Հայաստանին»։
Հայաստանի պետական համակարգի վերաբերյալ ադրբեջանցի պաշտոնյայի գնահատականներն ուշագրավ են այնքանով, որ միջազգային տարբեր անկախ հաստատությունների գնահատականներով Ադրբեջանն աշխարհի ամենակոռումպացված երկրներից մեկն է։ Բաքուն 2020 թ-ից մինչ օրս կորոնավիրուսային վարակի տարածումը կանխարգելելու պատրվակով երկրի ցամաքային սահմանները փակ է պահում։ Ադրբեջանը ՀՀ-ին զիջում է նաև տնտեսական աճի ու սոցիալական ապահովության տարբեր ցուցանիշներով։ Խնդրահարույց են նաև խաղաղության պայմանագրի ստորագրման շուրջ Ուսուբովի դատողությունները, քանի որ Բաքուն է հրաժարվել հոկտեմբերի 5-ին Գրանադայում հանդիպումից։ Ուսուբովը նաև նշում է, թե Ադրբեջանը լիովին ապահովել է իր տարածքային ամբողջականությունն ու ինքնիշխանությունը։
«Մեր սահմանները վերցվել են լիակատար վերահսկողության տակ, ռազմավարական դիրքերը, որոնք կարող են սպառնալ անվտանգությանը, գտնվում են մեր զինվորականների լիակատար վերահսկողության ներքո»,- գրում է նա՝ նկատի ունենալով Հայաստանի Հանրապետությունից օկուպացված տարածքները։
Բացի այդ՝ ադրբեջանցի պաշտոնյան խոսել է նաև գոյություն չունեցող «Զանգեզուրի միջանցքի» բացման մասին, նշելով, թե այն «խթան կհաղորդի ողջ տարածաշրջանի զարգացմանը, այդ թվում՝ տնտեսական օգուտներ կբերի նաև Հայաստանին»։
Էմմա Չոբանյան
