24.07.2026 | 14:40
Պենտագոնը ՌԴ 33 համալսարան և հետազոտական ինստիտուտ ԱՄՆ-ի ազգային անվտանգությանը սպառնալիք է ճանաչել
Երևանի ավագանին քաղաքապետ է ընտրում․ ՈՒՂԻՂ
Քաղաքականություն
10.10.2023 | 09:57
Սեպտեմբերի 17-ին Երևանի ավագանու հերթական ընտրություններն էին: Մայրաքաղաքի ավագանի են անցել «Քաղաքացիական պայմանագիր», «Ազգային առաջընթաց», «Հանրապետություն» և «Հանրային ձայն» կուսակցությունները և «Մայր Հայաստան» դաշինքը։ 75,494 քվե ստացած ՔՊ-ն ավագանիում կունենա 24 մանդատ, 43,797 քվե ստացած «Ազգային առաջընթաց»-ը՝ 14 մանդատ, 35,807 քվե ստացած «Մայր Հայաստան» դաշինքը՝ 12 մանդատ, 26,233 քվե ստացած «Հանրապետություն»-ը՝ 8 մանդատ, 22,447 քվե ստացած «Հանրային ձայն»-ը՝ 7 մանդատ։
Թեև ՔՊ-ն ընտրություններին ամենաշատ քվեներն է ստացել, սակայն չի հաղթահարել անհրաժեշտ 50 տոկոսի շեմը։ Եվ քանի որ որևէ ուժ մեծամասնություն չէ, և օրենքի ուժով քաղաքապետ չի կարող նշանակվել, ուստի ավագանին իր կազմից պիտի ընտրի քաղաքապետ` քվեարկությամբ։
65 հոգանոց նորընտիր ավագանու անդրանիկ նիստն այսօր է: «Ազգային առաջընթաց» կուսակցությունն ու «Մայր Հայաստան» դաշինքը հայտարարել են, որ բոյկոտելու են առաջին նիստը և քվորում չեն ապահովելու. այս ամենի նպատակը նոր ընտրությունների անցկացումն է: Բայց քանի որ մյուս 3 կուսակցությունները մասնակցելու են նիստին, ուստի քվորում կապահովվի, նիստը կկայանա և քաղաքապետ կընտրվի:
Արփի Հակոբյան
