15.01.2026 | 23:17
Ստեփանծմինդա-Լարս ավտոճանապարհը փակ է բեռնատարների համար
Բաքվում ՌԴ-ի և Ադրբեջանի փոխվարչապետները քննարկել են «Հյուսիս-Հարավ» նախագիծը
Քաղաքականություն
09.10.2023 | 19:13
Ադրբեջանի փոխվարչապետ Շահին Մուստաֆաևը հանդիպում է ունեցել աշխատանքային այցով Բաքվում գտնվող ՌԴ առաջին փոխվարչապետ Անդրեյ Բելոուսովի հետ, հայտնում են ադրբեջանական լրատվամիջոցները։
«Հանդիպման ընթացքում կողմերը քննարկել են տրանսպորտի և նյութատեխնիկական ապահովման ոլորտում համագործակցության հեռանկարները, այդ թվում՝ «Հյուսիս-Հարավ» տրանսպորտային միջանցքի նախագծի իրականացումը և նավաշինության ոլորտում համագործակցությունը»,- ասվում է հաղորդագրության մեջ։
Հիշեցնենք, որ այս տարվա մայիսին ՌԴ նախագահ Վլադիմիր Պուտինն ու Իրանի նախագահ Էբրահիմ Ռաիսին տեսակապով մասնակցել էին Ռեշտ-Աստարա երկաթուղու հատվածի կառուցման համաձայնագրի ստորագրման արարողությանը։ Նախագծում ներգրավված է երեք երկիր՝ ՌԴ-ն, Իրանն ու Ադրբեջանը։
Ուկրաինայում պատերազմի մեկնարկից ի վեր ՌԴ-ն մեծ ջանքեր է գործադրում երկաթգծի կառուցումն ու «Հյուսիս-Հարավ» միջանցքի այս ուղղությունը կյանքի կոչելու համար։
Էմմա Չոբանյան
