15.01.2026 | 21:54
Մինեապոլիսում ներգաղթի աշխատակիցը կրակել է վենեսուելացի ներգաղթյալի ոտքին
Մերձավոր Արևելքում սրումը չի ազդի Կիևին տրամադրվող օգնության վրա.ԵՄ
Քաղաքականություն
09.10.2023 | 22:52
Ուկրաինայի դեմ պատերազմում Ռուսաստանը փորձում է օգուտ քաղել ցանկացած միջազգային զարգացումներից, սակայն ոչինչ չի ազդի Ուկրաինային Եվրամիության աջակցության վրա, հայտարարել են Եվրահանձնաժողովում, գրում է DW-ի ռուսական ծառայությունը։
«Եվ այս հարցում չի կարող նվազագույն կասկած լինել»,- այս մասին ասել է ԵՀ պաշտոնական ներկայացուցիչ Էրիկ Մամերը՝ պատասխանելով DW-ի թղթակցի հարցին՝ արդյո՞ք հիմքեր կան ենթադրելու, որ Մերձավոր Արևելքում հակամարտության սրումը կազդի Ուկրաինային օգնություն ցուցաբերելու վրա։
Նա անդրադարձել է հոկտեմբերի 7-ին Բորդոյում Եվրահանձնաժողովի ղեկավար Ուրսուլա ֆոն դեր Լեյենի ելույթին։
«Մենք կաջակցենք ուկրաինացի ժողովրդին Ռուսաստանի հետ հակամարտությունում այնքան ժամանակ, որքան անհրաժեշտ կլինի»,- ֆոն դեր Լեյենի խոսքերն է մեջբերել Մամերը:
Նա կարծում է, որ Իսրայելի և ՀԱՄԱՍ-ի միջև սրվող հակամարտությունը ոչ մի կապ չունի Ուկրաինային ԵՄ-ի օգնության հետ։
Ինչ վերաբերում է ԵՄ արտաքին գործերի նախարարների արտակարգ ոչ պաշտոնական հանդիպմանը, որը հրավիրել է բարձրաստիճան դիվանագետ Ժոզեպ Բորելը հոկտեմբերի 10-ին, այն դեռևս օրակարգ չունի։ Հանդիպման նպատակն է քննարկել, թե ինչ է տեղի ունեցել (Իսրայելում և Պաղեստինի Ինքնավարությունում) և ինչպիսին պետք է լինի ԵՄ-ի արձագանքը, իր հերթին ասել է Փիթեր Ստանոն։
«Ես ակնկալում եմ, որ նախարարները կքննարկեն բոլոր ասպեկտները և ամբողջական ենթատեքստը, ինչ մենք տեսնում ենք Իսրայելի և ՀԱՄԱՍ-ի միջև առկա առճակատման լույսի ներքո»,- հավելել է նա:
