12.12.2024 | 17:32
18-ամյա հնդիկ Դոմարաջուն՝ շախմատի աշխարհի 18-րդ չեմպիոն
Իսրայելի պատասխանը կփոխի Մերձավոր Արևելքը․ Նեթանյահու
Քաղաքականություն
09.10.2023 | 17:43
Գազայի հատվածից Պաղեստինի ՀԱՄԱՍ խմբավորման զինյալների աննախադեպ բազմակողմ հարձակմանն Իսրայելի պատասխանը «կփոխի Մերձավոր Արևելքը»։ Նման հայտարարություն է արել Իսրայելի վարչապետ Բենիամին Նեթանյահուն, գրում է Al Arabiya-ն։
Նա խոսել է երկրի հարավային սահմանամերձ քաղաքների ղեկավարների հետ, որոնք ենթարկվել են անսպասելի հարձակմանը։ Պաշտոնյան, սակայն, չի մանրամասնել՝ ինչի մասին է խոսքը։
Հավելենք, որ Իսրայելում արդեն երրորդ օրն է՝ շարունակվում են մարտերը պաղեստինյան ՀԱՄԱՍ արմատական շարժման հարձակման պատճառով։ Իսրայելական բանակը հայտարարել է այն բնակավայրերում վերահսկողությունը լիովին վերականգնելու մասին, որոնք նախկինում հարձակման էին ենթարկվել ՀԱՄԱՍ շարժման զինյալների կողմից։ Իսրայելի բանակը հայտարարել է հարյուր հազարավոր պահեստազորի հավաքագրման մասին:
Ենթադրվում է, որ առաջիկա երկու օրերին Իսրայելը ցամաքային գործողություն է սկսելու Գազայի հատվածում։
Էմմա Չոբանյան
