22.05.2026 | 13:32
Իշխանության պրոպագանդան է, թե բոլորը Փաշինյանի մահն են ուզում. Կարապետյանցը՝ հայտնի տեսանյութի մասին․ ՏԵՍԱՆՅՈՒԹ
«Սևան» քրեակատարողական հիմնարկի ծառայողները դատապարտյալների կողմից պատրաստված թաքստոցներից հայտնաբերել են բջջային հեռախոսներ
Հասարակություն
09.10.2023 | 15:29
Հայաստանի Հանրապետության արդարադատության նախարարության «Սևան» քրեակատարողական հիմնարկում
օպերատիվ տեղեկություններ էին ստացվել այն մասին, որ բնակելի գոտու կացարաններից մեկի պահարանում՝
նախապես պատրաստված թաքստոցում, առկա են բջջային հեռախոսներ․ տեղեկացնում են ՀՔԾ-ից։
Ստացված տեղեկությունների իսկությունը ստուգելու նպատակով հիմնարկի անվտանգության ապահովման բաժնի
ծառայողները խուզարկություն են իրականացրել նշված կացարանում և պահարանում հայտնաբերել են ինքնաշեն
փորված թաքստոց՝ նախատեսված բջջային հեռախոսներ պահելու համար, որտեղ, սակայն, հեռախոսներ չեն եղել:
Շարունակելով խուզարկությունը՝ քրեակատարողական ծառայողները դատապարտյալ Հ.Գ.-ի մահճակալի տակ գտնվող
կոշիկի միջից հայտնաբերել են 2 բջջային հեռախոս:
Իսկ մեկ այլ կացարանում իրականացված խուզարկությամբ օդը թարմացնող սարքի միջից հայտնաբերվել են բջջային
հեռախոս և լիցքավորիչ:
Դեպքերի առթիվ նախապատրաստվում են նյութեր:
