16.05.2026 | 12:12
NYMEX. Թանկարժեք մետաղների գները նվազել են
Մոսադի նախկին ղեկավարը ՀԱՄԱՍ-ի հարձակումն Իսրայելի վրա համարում է հետախուզության ձախողում
Քաղաքականություն
09.10.2023 | 20:44
Իսրայելի անվտանգության ապահովման մարտավարությունն «ամբողջությամբ ձախողվել է շաբաթ օրը»։ Այս մասին BBC-ի հետ հարցազրույցում ասել է իսրայելական հետախուզության՝ Մոսադի նախկին ղեկավար Դենի Յաթոմը:
Նրա խոսքով՝ շաբաթ օրը, երբ ՀԱՄԱՍ-ը հարձակվել է Իսրայելի վրա Գազայի հատվածից, ամեն ինչ այնպես չի ընթացել և «ոչ ոք չի ունեցել նվազագույն պատկերացում, թե ինչ է կատարվում»։
Յաթոմն ասել է, որ Իսրայելի պաշտպանության երկրորդ մակարդակն անբավարար էր հարձակումները դադարեցնելու համար, ինչը հիշեցնում է, թե ինչպես Իսրայելը 50 տարի առաջ անսպասելի իրավիճակում էր, երբ արաբական երկրների կոալիցիան ներխուժել էր երկիր։
«Ուժերի թիվը չափազանց փոքր էր, հիմնականում հետախուզության ձախողման պատճառով, որը հայտնել էր, որ թեև մենք ականատես ենք եղել ՀԱՄԱՍ-ի կողմից իրականացված բազմաթիվ զորավարժությունների, սակայն նրանք մտադրություն չունեն հարձակվել Իսրայելի վրա»,- նշել է Մոսադի նախկին ղեկավարը։
Էմմա Չոբանյան
