06.06.2026 | 15:55
ՀՀ ընտրողների ռեգիստրում ընդգրկվածների ընդհանուր թիվը հունիսի 6-ի դրությամբ կազմել է 2 միլիոն 485 հազար 851
Իսրայելի պաշտպանության նախարարը հրամայել է ամբողջությամբ շրջափակել Գազայի հատվածը
Քաղաքականություն
09.10.2023 | 15:49
Իսրայելի պաշտպանության նախարար Յոավ Գալանտը հրամայել է ամբողջությամբ շրջափակել Գազայի հատվածը, գրում է ՌԻԱ Նովոստին։
«Ես Գազայի հատվածի ամբողջական շրջափակման հրաման եմ տվել: Ո՛չ էլեկտրականություն, ո՛չ սնունդ, ո՛չ գազ՝ ամեն ինչ փակ է»,- հայտնել է ՊՆ ղեկավարը։
Շաբաթ առավոտյան Իսրայելը Գազայի հատվածից աննախադեպ հրթիռակոծության է ենթարկվել։ Դրանից հետո ՀԱՄԱՍ-ի գրոհայինները ներթափանցել են հրեական պետության հարավում գտնվող սահմանային շրջաններ։ Պաղեստինյան շարժման ռազմական թևը հայտարարել է «Ալ-Աքսա ջրհեղեղ» գործողության մասին։
Իսրայելի պաշտպանության բանակն այնուհետ հայտարարել է Գազայի հատվածում ՀԱՄԱՍ-ի դեմ «Երկաթե սրեր» գործողության մեկնարկի մասին:
Վարչապետ Բենիամին Նեթանյահուն ժողովրդին ուղղված ուղերձում հայտարարել է, որ երկիրը գտնվում է պատերազմական իրավիճակում և ասել է, որ հրամայել է ռեզերվների համատարած մոբիլիզացիա։ Իսրայելացի զինվորականները սկսել են մաքրել բնակեցված տարածքները։
