02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
ՆԱՏՕ-ն հայտարարում է Ուկրաինային F-16-ների մոտալուտ մատակարարման մասին
Քաղաքականություն
09.10.2023 | 17:59
ՆԱՏՕ-ի մի շարք երկրներ շուտով Ուկրաինային են մատակարարելու F-16 կործանիչներ։ Այս մասին հայտարարել է ՆԱՏՕ-ի գլխավոր քարտուղարի տեղակալ Միրչա Ջոանեն, որը ելույթ է ունեցել դաշինքի Խորհրդարանական վեհաժողովի նիստում, գրում է BBC-ի ռուսական ծառայությունը։
«ՆԱՏՕ-ի երկրները Ուկրաինային մատակարարել են տասնյակ միլիարդավոր դոլարների զենք, շուտով կհետևեն F-16 կործանիչները»,- նշել է Ջոանեն։
Դանիայի վարչապետ Մետե Ֆրեդերիկսենը խոսել է Ուկրաինային F-16 կործանիչներ մատակարարելու պատրաստ երկրների կոալիցիայի ընդլայնման աշխատանքների մասին։
«Գործընկերների հետ միասին մենք աշխատում ենք կոալիցիան ընդլայնելու և խորացնելու ուղղությամբ, որպեսզի Ուկրաինան կարողանա ստանալ ավելի շատ F-16-ներ, և որպեսզի մենք կարողանանք ավելի շատ օդաչուների վերապատրաստել»,- ասել է նա։
Պաշտոնյան հավելել է, որ քանի դեռ «ուկրաինացիները պատրաստ են տանել ազատության համար պատերազմը, ապա պետք է որոշել, որ հոգնածությունը պատերազմից տեղ չի ունենալու տրանսատլանտյան համայնքում»:
Էմմա Չոբանյան
