30.05.2026 | 13:56
Նավթի գները նվազել են
Իրանը հերքում է Իսրայելի վրա հարձակման պլանավորմանն իր մասնակցությունը
Քաղաքականություն
09.10.2023 | 14:08
ՄԱԿ-ում Իրանի ներկայացուցիչները հերթական անգամ հերքել են տեղեկություններն այն մասին, որ Թեհրանը մասնակցել է Իսրայելի վրա ՀԱՄԱՍ-ի զինյալների հարձակման պլանավորմանը, գրում է BBC-ի ռուսական ծառայությունը։
«Մենք վճռականորեն հանդես ենք գալիս հաջակցություն Պաղեստինի, սակայն մենք չենք մասնակցում Պաղեստինի պատասխան գործողություններին, քանի որ այդ որոշումները կայացվում են բացառապես Պաղեստինի կողմից»,- հայտարարել է ՄԱԿ-ում Իրանին մշտական ներկայացուցիչը։
Ավելի վաղ The Wall Street Journal-ը, հղում անելով պաղեստինյան ՀԱՄԱՍ խմբավորման և լիբանանյան Հըզբոլլահ շարժման բարձրաստիճան անդամներին, հայտնել էր, որ իրանցի պաշտոնյաները, իբր, կանաչ լույս են տվել հարձակման համար անցյալ շաբաթ Բեյրութում զինյալների հետ հանդիպման ժամանակ:
Բեյրութում կայացած հանդիպմանը մասնակցել են Իսլամական հեղափոխության պահապանների կորպուսի սպաներ, պնդում է WSJ-ը՝ հավելելով, որ նրանք օգոստոսից ՀԱՄԱՍ-ի հետ աշխատում են գործողության պլանի վրա:
ՄԱԿ-ում Իրանի մշտական ներկայացուցիչը նաև նշել է, որ տեղի ունեցածը «ներկայացնում է լիովին օրինական պաշտպանություն յոթ տասնամյակների ճնշող օկուպացիայից»:
«Նրանք փորձում են արդարացնել իրենց ձախողումը և դա բարդում են Իրանի հետախուզական հզորության ու օպերատիվ պլանավորման վրա»,- նշել են գրասենյակից:
