06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
«Իսրայելի քաղաքացիներ, մենք պատերազմի մեջ ենք, և մենք հաղթելու ենք»․ Նեթանյահուն դիմել է ժողովրդին
Քաղաքականություն
07.10.2023 | 13:10
Իսրայելի վարչապետ Բենիամին Նեթանյահուն իր առաջին հրապարակային հայտարարությունն է արել ՀԱՄԱՍ ահաբեկչական խմբավորման զանգվածային հարձակման վերաբերյալ՝ ասելով, որ երկիրը պատերազմի մեջ է․ գրում է The times of Israel-ը։
«Իսրայելի քաղաքացիներ, մենք պատերազմի մեջ ենք։ Եվ մենք հաղթելու ենք», – ասել է նա։
«Թշնամին կվճարի այնպիսի գին, ինչպիսին նրանք նախկինում չեն իմացել», – ասել է Նեթանյահուն՝ Գազայում ՀԱՄԱՍ ահաբեկչական խմբավորման գրոհի մեկնարկից մոտ հինգ ժամ անց:
Տեղեկություններ կան մի շարք զոհերի և մոտ 300 վիրավորների մասին։
Նշվում է, որ ահաբեկիչները ներթափանցում են հարավային մի շարք քաղաքներ և հազարավոր հրթիռներ են արձակվում երկրի կենտրոնի և հարավի ուղղությամբ:
Ավելի վաղ Իսրայելը հայտարարել էր «Երկաթե սրեր» գործողության մեկնարկի մասին։
