09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Պաղեստինը լայնածավալ հարձակում է սկսել Իսրայելի դեմ. իսրայելական բանակը հաստատել է պաղեստինցի զինյալների ներթափանցումը երկիր
Քաղաքականություն
07.10.2023 | 11:25
Պաղեստինյան արմատականները շաբաթ առավոտյան ներխուժել են Իսրայելի տարածք Գազայի հատվածի զանգվածային գնդակոծությունների ֆոնին: Այս մասին հայտնում է իսրայելական բանակի մամուլի ծառայությունը․ գրում է ՏԱՍՍ-ը։
«Վերջին մեկ ժամվա ընթացքում ՀԱՄԱՍ ահաբեկչական կազմակերպությունը Գազայի հատվածից լայնածավալ հրթիռակոծություն է իրականացրել Իսրայելի տարածքի վրա։ Մի շարք վայրերում ահաբեկիչները ներխուժել են Իսրայելի տարածք»,- ասվում է զեկույցում։
ԶԼՄ-ների հաղորդմամբ՝ պաղեստինյան ՀԱՄԱՍ շարժումը վերջին տարիների ամենալայնածավալ հարձակումն է սկսել Իսրայելի դեմ, որն ուղեկցվում է հրթիռային ակտիվ հարվածներով։
Ավելի վաղ Իսրայելի պաշտպանության բանակի մամուլի ծառայությունը հաստատել էր, որ Գազայի հատվածից հրթիռներ են արձակվել Իսրայելի տարածքի ուղղությամբ։
Շաբաթ առավոտյան օդային տագնապները շարունակաբար հնչում են Թել Ավիվում և նրա շրջակայքում: Երկրի հարավային և կենտրոնական շրջանների բնակիչներին խորհուրդ է տրվում մնալ ապաստարանների մոտ։ Տեղի ունեցածի ֆոնին իսրայելական բանակը հայտարարել է «պատերազմի պատրաստության վիճակ», երկրի պաշտպանության նախարար Յոավ Գալանտը հավանություն է տվել պահեստազորայինների հավաքագրմանը բանակ։
