15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Շոլցը կոչ է արել բարեփոխումներ իրականացնել ԵՄ-ում՝ մինչ նոր անդամների ընդունելը
Քաղաքականություն
06.10.2023 | 21:39
Գերմանիայի կանցլեր Օլաֆ Շոլցը կոչ է արել ԵՄ երկրներին քննարկել Միության կառավարման և որոշումների կայացման համակարգերի անհրաժեշտ բարեփոխումները։ Այս մասին նա հայտարարել է Գրանադայում Եվրոպական քաղաքական համայնքի գագաթնաժողովում։
Մասնավորապես, Շոլցը կրկին կոչ է արել հեռանալ ԵՄ արտաքին և հարկային քաղաքականության մեջ միաձայնության սկզբունքից։ Այս հարցերը միաձայն քվեարկությամբ որոշելու փոխարեն, ինչպես հիմա է, Շոլցը կոչ է անում ամեն ինչ որոշել ձայների մեծամասնությամբ։
«Բացի այդ, մինչ Եվրամիության կազմում նոր անդամների ընդունելը՝ պետք է քննարկվի Եվրահանձնաժողովի ապագա չափը և Եվրախորհրդարանում տեղերի բաշխումը։ ԵՄ-ն չի կարող ուղղակի ընդլայնել հանձնաժողովը և նոր նախարարություններ հորինել»,- ընդգծել է Օլաֆ Շոլցը:
Կանցլերը հիշեցրել է նաև, որ ԵՄ ոչ բոլոր անդամները, ովքեր «այսօր զուտ վճարումներ են ստանում», կարող են ակնկալել, որ դա կլինի ապագայում։ Երբ նոր՝ տնտեսապես քիչ զարգացած երկրները միանան ԵՄ-ին, ներկայիս անդամները նույնպես պետք է նպաստեն ֆինանսավորմանը, ասել է գերմանացի պաշտոնյան։
