17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Փաշինյանը հոկտեմբերի 18-ին ելույթ կունենա Եվրախորհրդարանի լիագումար նիստում
Քաղաքականություն
06.10.2023 | 14:38
Հայաստանի վարչապետ Նիկոլ Փաշինյանը հոկտեմբերի 18-ին Ստրասբուրգում ելույթ կունենա Եվրախորհրդարանի (ԵԽ) լիագումար նիստում։ Այս մասին հայտարարել է Եվրախորհրդարանի ղեկավար Ռոբերտա Մեցոլան Գրանադայում ԵՄ ոչ պաշտոնական գագաթնաժողովի շրջանակում կայացած մամուլի ասուլիսում։
«Ես վարչապետ Փաշինյանին հրավիրել եմ ելույթ ունենալ լիագումար նիստին։ Եվ նա ելույթ կունենա հոկտեմբերի 18-ին՝ 10 օրից»,- ասել է նա։
Ավելի վաղ Ռոբերտա Մեցոլան իր աջակցությունն էր հայտնել Հայաստանին Արցախի դեմ Ադրբեջանի ռազմական ագրեսիայի հետևանքով ստեղծված իրավիճակի հետ կապված։ Նա Գրանադայում Եվրոպական քաղաքական համայնքի գագաթնաժողովի շրջանակում հանդիպել է ՀՀ վարչապետ Նիկոլ Փաշինյանին։
«Հայաստանը մեր աջակցության և օգնության կարիքն ունի՝ հաղթահարելու ներկայիս հումանիտար ճգնաժամը, որն առաջացել է Լեռնային Ղարաբաղը հազարավոր մարդկանց լքելու պատճառով։ Գրանադայում հանդիպեցի վարչապետ Նիկոլ Փաշինյանին և հրավիրեցի նրան ելույթ ունենալ Եվրախորհրդարանի լիագումար նիստում»,- գրել էր Մեցոլան X-ի իր էջում։
