10.01.2025 | 23:14
ՊԵԿ նախագահն ընդունել է Հնդկաստանի դեսպանին
Եվրախորհրդարանի ղեկավարը կարծում է, որ ԵՄ-ն չպետք է գազ գնի Ադրբեջանից
Քաղաքականություն
06.10.2023 | 15:06
Եվրամիությունը չպետք է գազ գնի Ադրբեջանից, քանի որ Լեռնային Ղարաբաղում Բաքվի ռազմական գործողություններից հետո հանրապետությունը դարձել է անհուսալի գործընկեր: Այս մասին Գրանադայում ԵՄ ոչ պաշտոնական գագաթնաժողովի շրջանակում լրագրողներին ասել է Եվրախորհրդարանի ղեկավար Ռոբերտա Մեցոլան։
«Մենք չենք կարող մեկ անվստահելի էներգետիկ գործընկերոջից անցնել մյուսին: Սա մեր դիրքորոշումն է»,- ասել է նա:
Ավելի վաղ Politico պարբերականը, վկայակոչելով իր աղբյուրներին, գրել էր, որ Եվրամիությունը դժվար թե Բաքվի դեմ պատժամիջոցներ կիրառի Լեռնային Ղարաբաղում սրման պատճառով, քանի որ դա կախված է Ադրբեջանից բնական գազի մատակարարումից։
Ըստ հրապարակման՝ թեև եվրոպացի քաղաքական գործիչները հաճախ պատրաստ են իրենց հայտարարություններում բռնել Հայաստանի կողմը, Ադրբեջանի ազդեցությունը համայնքի վրա շատ ավելի ուժեղ է, քանի որ Բրյուսելն ադրբեջանական գազը դիտարկում է որպես ռուսական գազին այլընտրանք։
