11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Կլիմայի փոփոխության պատճառով օրական 20 հազար երեխա կորցնում է իր տունը
Քաղաքականություն
06.10.2023 | 23:18
2016-ից մինչև 2021 թվականը 44 երկրներում 43,1 միլիոն երեխա է տեղահանվել կլիմայի փոփոխության հետ կապված եղանակային իրադարձությունների պատճառով, ինչը հավասար է ամեն օր մոտավորապես 20,000 երեխայի տեղահանման։ Այս մասին հայտնել է ՄԱԿ-ը, գրում է DW-ի ռուսական ծառայությունը:
ՄԱԿ-ի մանկական հիմնադրամի (ՅՈՒՆԻՍԵՖ) հրապարակած զեկույցի համաձայն՝ այս ժամանակահատվածում երեխաների տեղահանման պատճառ են դարձել հատկապես չորս տեսակի բնական աղետներ՝ ջրհեղեղներ, փոթորիկներ, երաշտներ և անտառային հրդեհներ:
«Փոփոխվող կլիմայի պայմաններում տեղահանված երեխաները» զեկույցն առաջինն է աշխարհում, որը բացահայտել է բնական աղետների հետևանքով իրենց երկրի ներսում տեղահանված անչափահասների թիվը:
«Այս թվերը միայն սառցալեռան գագաթն են, քանի որ հնարավոր է՝ ավելի շատ երեխաներ են տուժել»,- պարզաբանել է ՅՈՒՆԻՍԵՖ-ի զեկույցի համահեղինակ Լաուրա Հիլին:
Հիլիի խոսքով՝ երաշտի պատճառով տեղահանված երեխաների թիվն «արմատապես փոքրացված է», քանի որ նման տեղաշարժերն «ավելի պակաս հանկարծակի են, հետևաբար, ավելի դժվար է գրանցել»։
