30.04.2026 | 18:10
Ռուս սահմանապահները փուլ առ փուլ կհեռացվեն // ԵԽ-ն Հայաստանի վերաբերյալ բանաձև է ընդունել․ ԼՈՒՐԵՐ
Խաղաղության Նոբելյան մրցանակը շնորհվել է իրանցի իրավապաշտպան Նարգես Մոհամմադիին
Քաղաքականություն
06.10.2023 | 22:09
Իրանցի իրավապաշտպան Նարգես Մոհամմադին, որը պաշտպանում է կանանց իրավունքները և բանտարկվել է երկրի իշխանությունների կողմից, արժանացել է 2023 թվականի Խաղաղության Նոբելյան մրցանակին։ Այսօր Օսլոյում Նոբելյան կոմիտեն հրապարակել է իր որոշումը, փոխանցում է DW-ի ռուսական ծառայությունը։
Մրցանակը նրան շնորհվել է «Իրանում կանանց նկատմամբ ճնշումների դեմ պայքարի և բոլորի համար մարդու իրավունքների ու ազատության խթանման համար»։ Մոհամմադին Իրանի Իրավապաշտպանների կենտրոնի փոխնախագահն է։
Վերջին 20 տարիների ընթացքում Իրանի իշխանությունները նրան բազմիցս բանտարկել են իշխանությունների դեմ ելույթների, ինչպես նաև լրագրողական և մարդու իրավունքների պաշտպանության համար: Համաշխարհային առաջնորդներն ու միջազգային կազմակերպությունները բազմիցս հանդես են եկել հաջակցություն Մոհամմադիի:
2021 թվականին Իրանի իշխանությունները նրան դատապարտել են 2,5 տարվա ազատազրկման և մտրակի 80 հարվածի՝ «հակապետական քարոզչության» համար։
Էմմա Չոբանյան
