17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
ՌԴ-ն վերջին ամիսների ամենադաժան հարձակումն է իրականացրել Ուկրաինայի վրա
Քաղաքականություն
06.10.2023 | 12:54
Ուկրաինական Խարկովի մարզի Գրոզա գյուղի վրա ռուսական հրթիռային հարձակման հետևանքով առնվազն 51 զոհ կա։ Սա վերջին ամիսների ամենամահաբեր հարձակումներից մեկն է, գրում է Euronews-ը։
Ուկրաինայի ՆԳՆ-ի տվյալներով՝ մարդիկ կրակի տակ են ընկել մահացած հարևանի հոգեհանգստի արարողությանը մասնակցելիս։
Գրոզան գտնվում է Կուպյանսկ քաղաքի մոտակայքում՝ առաջնագծին մոտ, այս տարածքը պարբերաբար ենթարկվում է ռուսական գնդակոծությունների։
Նշվում է, որ հարձակումը տեղի է ունեցել այն ժամանակ, երբ Ուկրաինայի նախագահ Վլադիմիր Զելենսկին մասնակցում էր Իսպանիայի Գրանադա քաղաքում Եվրոպական քաղաքական համայնքի գագաթնաժողովին: Այս համայնքը ձևավորվել է 2022 թվականի փետրվարին Ռուսաստանի կողմից Ուկրաինա լայնամասշտաբ ներխուժումից հետո։
