18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ամերիկացի կոնգրեսականները դիմել են Բլինքենին՝ կոչ անելով կանխել ադրբեջանական ներխուժումը ՀՀ
Քաղաքականություն
06.10.2023 | 11:19
Ադրբեջանի կողմից հայերի էթնիկ զտումները չեն դադարի Արցախով, զգուշացնում է ԱՄՆ Կոնգրեսի տասնհինգ անդամից բաղկացած երկկուսակցական խումբը՝ կոնգրեսականներ Ֆրենկ Փալոնե կրտսերի, Ջիմ Կոստայի և Բրեդ Շերմանի գլխավորությամբ։ Նրանք ԱՄՆ նախագահ Ջո Բայդենի վարչակազմին և USAID-ի ղեկավար Սամանտա Փաուերին կոչ են անոււմ անհապաղ քայլեր ձեռնարկել՝ կանխելու ադրբեջանական ներխուժումը Հայաստան, հայտնում է Ամերիկայի Հայ դատի հանձնախումբը։
Նրանց ուղերձում, մասնավորապես, ասվում է, որ ԱՄՆ-ը պետք է կիրառի 907-րդ հոդվածը և դադարեցնի բոլոր տեսակի ռազմական օգնությունը Ադրբեջանին, պատժի Ադրբեջանին Արցախի վրա հարձակման և դրա լուծարման համար, ինչպես նաև Արցախում իրականացված վայրագությունների և մարդու իրավունքների խախտումների համար։
Կոնգրեսականները նաև կոչ են արել անվտանգային օժանդակություն ցուցաբերել Հայաստանին, ինչպես նաև Հայաստանում ստեղծել միջազգային դիտորդական և խաղաղապահ ուժեր՝ Ադրբեջանի ներխուժումը կանխելու համար։
Օրենսդիրները նաև կոչ են արել «ընդլայնել ԱՄՆ-ի և միջազգային մարդասիրական օգնությունը Արցախից բռնագաղթած հայ փախստականներին և ջանքեր գործադրել՝ ապահովելու Արցախի գերեվարված պետական պաշտոնյաների և հայ ռազմագերիների անվերապահ ազատ արձակումն ու համաներումը»։
