19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Բորելը Բրյուսելում ՀՀ-ի և Ադրբեջանի միջև հանդիպումների հույս է հայտնել
Քաղաքականություն
05.10.2023 | 17:03
ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը հույս է հայտնել, որ Հայաստանի և Ադրբեջանի իշխանությունները կկարողանան հանդիպել Բրյուսելում և քննարկել տարածաշրջանում հակամարտության զարգացումը կանխելու հարցը։
Գրանադայում Եվրոպական քաղաքական համայնքի (EPC) գագաթնաժողովին ժամանելուն պես Բորելն ասել է, որ ափսոսում է, որ «Ադրբեջանն այստեղ չէ, ափսոս, որ Թուրքիան՝ Ադրբեջանին աջակցող գլխավոր երկիրը, նույնպես չկա»։
«Հետևաբար, այստեղ մենք չենք կարող խոսել այնպիսի լուրջ բանի մասին, ինչպիսին այն փաստն է, որ ավելի քան 100 հազար մարդ ստիպված է եղել լքել իրենց տները»,- ասել է Բորելը:
Նրա խոսքով՝ ԵՄ-ն դատապարտում է «ռազմական ուժի գործողությունները՝ հակամարտությունները լուծելու համար»։
«Հուսով եմ, որ Հայաստանի և Ադրբեջանի միջև հանդիպումները կարող են տեղի ունենալ Բրյուսելում, հատկապես, որպեսզի կանխվի հակամարտության հետագա զարգացումը և քաղաքականապես կայունացվի Հայաստանը»,- եզրափակել է Բորելը։
Հիշեցնենք՝ Իսպանիայում պետք է տեղի ունենար Հայաստանի և Ադրբեջանի ղեկավարների հանդիպումը։ ԵՄ բարձրաստիճան պաշտոնյան նշել է, որ փորձ է արվել բանակցություններ կազմակերպել «երկու գումարած երեք» ձևաչափով՝ Փարիզի, Բեռլինի և Բրյուսելի մասնակցությամբ։
