07.10.2026 | 23:48
Արթուր Դանիելյանը կալանավորվեց
Բաքուն պատրաստակամություն է հայտնել բանակցություններ վարել Երևանի և ԵՄ-ի հետ
Քաղաքականություն
05.10.2023 | 16:14
Ադրբեջանի նախագահի օգնական Հիքմեթ Հաջիևն հայտարարել է, որ Բաքուն պատրաստ է Ադրբեջան-Հայաստան-ԵՄ եռակողմ ձևաչափով բանակցությունների։
«Ադրբեջանը սատարում է Բրյուսելի եռակողմ գործընթացն ու տարածաշրջանային խաղաղության օրակարգը Եվրամիության, Ադրբեջանի և Հայաստանի ձևաչափով՝ Եվրամիության խորհրդի նախագահ Շառլ Միշելի աջակցությամբ: Այս առումով Ադրբեջանը բազմաթիվ խաղաղության նախաձեռնությունների հեղինակ է, այդ թվում՝ խաղաղության պայմանագրի»,- գրել է Հաջիևը X-ում։
Հիշեցնենք, որ Եվրախորհրդարանի անդամները hինգշաբթի Ստրասբուրգում կայացած ԵԽ լիագումար նիստում բանաձև են ընդունել, որով կոչ են անում ԵՄ-ին պատժամիջոցներ կիրառել Ադրբեջանի դեմ՝ կապված Լեռնային Ղարաբաղի իրադարձությունների հետ, ինչպես նաև վերանայել համագործակցությունը և նվազեցնել ադրբեջանական գազի ներկրումից կախվածությունը։
Տաթև Ֆռանգյան
