10.04.2026 | 18:34
Բաքուն հերքում է․ Ադրբեջանից Պարսից ծոցի երկրների ուղղությամբ հրթիռների արձակման մասին տեղեկությունները կեղծ են
Ֆրանսիան սկսում է զորքերի դուրսբերումը Նիգերից
Քաղաքականություն
05.10.2023 | 18:25
Ֆրանսիացի զինվորների դուրսբերումը Նիգերից, որի մասին հայտարարել է Ֆրանսիայի նախագահ Էմանուել Մակրոնը, պետք է սկսվի այս շաբաթ։ DW-ի ռուսական ծառայության փոխանցմամբ՝ այս մասին հայտնել է Ֆրանսիայի զինված ուժերի գլխավոր շտաբը։
«Այս շաբաթվա ընթացքում մենք կսկսենք զորքերի դուրսբերումը նիգերիացիների հետ փոխգործակցությամբ, անվտանգ և համակարգված կերպով»,- զինվորականների խոսքերն է վկայակոչում AFP-ն։
Ներկայում Նիամեյում տեղակայված է շուրջ 1000 ֆրանսիացի զինվորական: Եվս մոտ 400 զինվոր ապրում է երկու փոքր բազաներում՝ Բուրկինա Ֆասոյի և Մալիի հետ սահմանի մոտ։
Սպասվում է, որ ֆրանսիացի զինվորները ցամաքով կլքեն Նիգերը, քանի որ երկրի իշխանությունները փակել են օդային տարածքը ֆրանսիական ինքնաթիռների համար:
