07.11.2026 | 14:19
Կաթնամթերքում հայտնաբերված մանրէների ոչ բոլոր տեսակներն են վտանգավոր․ ՍԱՏՄ-ն՝ Փաշինյանի հանձնարարությունից հետո
ԱՄՆ-ը Կիևին է հանձնել առգրավված մեկ միլիոն իրանական պարկուճ
Քաղաքականություն
05.10.2023 | 23:14
ԱՄՆ կենտրոնական հրամանատարությունը (CENTCOM) հայտնել է, որ հոկտեմբերի 2-ին ԱՄՆ-ն Ուկրաինային է փոխանցել Իրանից առգրավված 7,62 մմ տրամաչափի շուրջ 1,1 մլն փամփուշտ, գրում է BBC-ի ռուսական ծառայությունը։
Միացյալ Նահանգների կառավարությունն այդ զինամթերքի նկատմամբ իրավունքը ստացել է 2023 թվականի հուլիսի 20-ին Իրանի Իսլամական հեղափոխության պահապանների կորպուսի (ԻՀՊԿ) դեմ քաղաքացիական հայցով առգրավման գործողությունների շրջանակում: Այս զինամթերքն ի սկզբանե առգրավվել էր ԱՄՆ ռազմածովային ուժերի կողմից Marwan-1 տարանցիկ նավի վրա, որը նավարկում էր առանց որևէ երկրի դրոշի։
Զինամթերքն Իսլամական հեղափոխության պահապանների կորպուսի կողմից տեղափոխվում էր՝ Եմենի հութիներին հանձնելու՝ խախտելով ՄԱԿ-ի Անվտանգության խորհրդի 2216 բանաձևը, ասվում է CENTCOM-ի հայտարարության մեջ:
Ուկրաինայի արևմտյան դաշնակիցները վերջերս զգուշացրել էին, որ իրենց արտադրական գծերը դժվարությամբ են հասցնում Ուկրաինայում զինամթերքի օգտագործման տեմպերին: Այս ֆոնին CENTCOM-ը հայտնել է, որ երկուշաբթի իրանական զինամթերք է տեղափոխել Ուկրաինա։
