30.04.2026 | 19:12
Ադրբեջանում Ուկրաինայի հարցով բանակցություններ անցկացնելու մասին դեռևս խոսք չկա. Պեսկով
Ադրբեջանը հայտարարել է Արայիկ Հարությունյանին ապօրինի կալանավորելու և մեղադրանքներ առաջադրելու մասին
Քաղաքականություն
05.10.2023 | 10:57
Պաշտոնական Բաքուն հաստատել է Արցախի նախկին նախագահ Արայիկ Հարությունյանին առևանգելու և ապօրինի ձերբակալելու փաստը։ Ադրբեջանի Գլխավոր դատախազությունն ու Պետական անվտանգության ծառայությունը համատեղ հայտարարությամբ նշում են, որ Արայիկ Հարությունյանին շինծու մեղադրանք է առաջադրվել Ադրբեջանի քրեական օրենսգրքի 9 հոդվածներով։
Նրան մեղադրում են, իբր, հետևյալ հոդվածներով՝ 100 (ագրեսիվ պատերազմ ծրագրել, նախապատրաստել, սանձազերծել կամ վարել). 116 (միջազգային մարդասիրական իրավունքի խախտում զինված հակամարտությունների ժամանակ), 117 (անգործություն կամ հանցավոր հրամաններ զինված հակամարտության ժամանակ), 120 (կանխամտածված սպանություն), 214 (ահաբեկչություն), 214-1 (ահաբեկչության ֆինանսավորում), 214-3 (զորավարժությունների անցկացում ահաբեկչության նպատակով), 218 (հանցավոր համայնքի կամ հանցավոր կազմակերպության կազմակերպում), 279 (օրենքով չնախատեսված զինված կազմավորումների կամ խմբավորումների ստեղծում)։
Նշվում է, որ Արայիկ Հարությունյանն առևանգվել է հոկտեմբերի 3-ին և նրա նկատմամբ խափանման միջոց է ընտրվել կալանավորումը։
Հավելենք, որ Բաքուն նաև առևանգել է Արցախի Հանրապետության նախկին նախագահներ Արկադի Ղուկասյանին, Բակո Սահակյանին և Ազգային ժողովի նախագահ Դավիթ Իշխանյանին։
Նրանց վերաբերյալ տեղեկություններ դեռ չեն հաղորդվում։
Էմմա Չոբանյան
