18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Բորելը ողջունում է Հայաստանի կողմից Հռոմի ստատուտի վավերացումը
Քաղաքականություն
04.10.2023 | 14:24
Եվրամիությունը ողջունում է ՀՀ Ազգային ժողովի կողմից Միջազգային քրեական դատարանի (ՄՔԴ) կանոնադրության (Հռոմի ստատուտ) վավերացումը, որն ուժի մեջ կմտնի ՀՀ նախագահի կողմից ստորագրվելուց հետո։ Այս մասին ասվում է ԵՄ արտաքին հարաբերությունների և քաղաքականության հարցերով բարձր ներկայացուցիչ Ժոզեպ Բորելի հայտարարության մեջ։
«ՄՔԴ-ն առաջին մշտական միջազգային դատարանն է, որը ստեղծվել է միջազգային հանրությանն ընդհանուր առմամբ մտահոգող ամենալուրջ հանցագործությունները հետաքննելու և հետապնդելու համար: ԵՄ-ն կոչ է անում բոլոր այն պետություններին, որոնք դեռ չեն արել դա, միանալ Հռոմի ստատուտին։ Հռոմի ստատուտին յուրաքանչյուր միացում ավելի է մոտեցնում միջազգային հանրությանը համընդհանուր մասնակցությանն ու ամրապնդում է անպատժելիությանը վերջ տալու և հաշվետվության մշակույթը զարգացնելու ընդհանուր վճռականությունը»,- ասվում է հայտարարության մեջ։
Նշվում է նաև, որ ԵՄ-ն միջազգային գործընկերների հետ միասին շարունակելու է աշխատել և նպաստել Հռոմի կանոնադրության վավերացմանն ու իրականացմանը, ինչպես նաև ՄՔԴ-ի ամբողջականությանը:
Էմմա Չոբանյան
