18.12.2025 | 10:37
Երևանում անտուն շների կացարան կկառուցվի․ ՏԵՍԱՆՅՈՒԹ
ՌԴ ՊՆ-ն հայտնել է սահմանամերձ շրջաններում տասնյակ անօդաչու թռչող սարքերի որսալու մասին
Քաղաքականություն
04.10.2023 | 11:19
Ռուսաստանի Պաշտպանության նախարարությունը պնդում է, որ չորեքշաբթի գիշերը Ուկրաինային սահմանակից երեք շրջանների՝ Բելգորոդի, Բրյանսկի և Կուրսկի վրա խոցվել է 31 ուկրաինական անօդաչու թռչող սարք։ Սա անսովոր բարձր թիվ է նախորդ օրերի և ամիսների համեմատ։
«Բելգորոդի, Բրյանսկի և Կուրսկի շրջանների տարածքում հերթապահ հակաօդային պաշտպանության համակարգերը որսացել և ոչնչացրել են ուկրաինական 31 անօդաչու թռչող սարք»,- ասվում է ՌԴ ռազմական գերատեսչության հաղորդագրության մեջ, գրում է BBC-ի ռուսական ծառայությունը։
Գիշերը և առավոտյան Բելգորոդի ու Բրյանսկի շրջանների նահանգապետերը միայն երկու անգամ են հայտնել անօդաչու թռչող սարքերի ուղղությամբ հակաօդային պաշտպանության կրակի մասին։
«Բրյանսկի շրջանի վրա կործանվել է ինքնաթիռի տիպի անօդաչու թռչող սարք»,- Տելեգրամ-ալիքում գրել է Բրյանսկի նահանգապետ Ալեքսանդր Բոգոմազը։
Նա նաև պնդում է, որ տարածաշրջանի մի քանի շրջաններ գնդակոծվել են կասետային զինատեսակներով՝ բազմակի հրթիռային համակարգերից։
Առավոտյան Բելգորոդի շրջանի նահանգապետ Վյաչեսլավ Գլադկովն էլ հայտնել է, որ իր մարզում հակաօդային պաշտպանության համակարգը 19 անօդաչու թռչող սարք է խոցել։
«Այսօր ժամը 01:00-ից մինչև 02:00-ն ընկած ժամանակահատվածում, մեր ՀՕՊ համակարգն աշխատել է Բելգորոդի, Բելգորոդի շրջանի և Կորոչանսկի շրջանի վրա: Նախնական տվյալներով՝ տեղի է ունեցել անօդաչու թռչող սարքի հարձակում։ Նաև նախնական տվյալներով՝ գնդակոծվել է մոտ 19 օբյեկտ»,- ասել է Գլադկովը «ВКонтакте»-ում հրապարակված տեսանյութում։
Ռուսաստանի ՊՆ-ն հայտնել է նաև Ուկրաինայի զինված ուժերի օդադեսանտային խմբի կողմից Ղրիմի տարածք ներթափանցելու փորձ կասեցնելու մասին։
