25.11.2024 | 22:48
Թուրքիայում երկրաշարժ է տեղի ունեցել
Թուրքիայի տրանսպորտի նախարարը հայտարարել է, թե «Զանգեզուրի միջանցքը», հնարավոր է, անցնի Իրանով
Քաղաքականություն
02.10.2023 | 18:52
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է տարածաշրջանային հաղորդակցության ուղիների հարցին՝ նշելով, որ այն քննարկվել է Թուրքիայի նախագահ Ռեջեփ Թայիփ Էրդողանի՝ օրերս Նախիջևան կատարած այցի ընթացքում, գրում է Hurriyet-ը։
«Զանգեզուրի գիծը կապահովի Թուրքիայից Բաքու ճանապարհը։ Դա կլինի Կենտրոնական միջանցքի կարևոր երթուղիներից մեկը։ Բանակցությունները շարունակվում են։ Նախիջևանից մինչև Դիլուջու սահմանային դարպասի գիծ կա, օրակարգում է 14 կմ նոր գծի վերանորոգումն ու կառուցումը։ Հայաստանի սահմանով անցնում է «Զանգեզուրի միջանցքի» 43 կմ-ը։ Դա քննարկվում է նաև հայկական կողմի հետ։ Հնարավոր է նաև, որ միջանցքն իրականացվի Իրանի կողմից։ Մենք մտածում ենք այն արագ կյանքի կոչելու մասին»,- ասել է թուրք նախարարը։
Նա նշել է, որ Միջին միջանցքը ներկայում ամենակարճ և անվտանգ ճանապարհն է, կա երկաթգիծ, որը շարունակվում է Բաքու-Թբիլիսի-Կարսից։ Ուրալօղլուն ասել է, որ հստակ գծով կապվելու են թուրքական հանրապետությունների ու Հեռավոր Արևելքի հետ։
Հավելենք, որ Իրանի տարածքով հաղորդակցության ուղիների անցման մասին ավելի վաղ հայտարարել էր նաև Թուրքիայի նախագահ Ռեջեփ Թայիփ Էրդողանը։
Նշենք, որ Բաքվի ու Թեհրանի միջև 2022 թվականի մարտի 11-ին կնքված հուշագիրը ենթադրում է հաղորդակցման նոր կապեր Ադրբեջանի ու Նախիջևանի միջև Իրանի տարածքով։
Էմմա Չոբանյան
