07.10.2026 | 20:10
«Գոնե իշմար տվեք՝ իմանանք»․ Փաշինյանի ժեստը ծիծաղ առաջացրեց ԱԺ դահլիճում. ՏԵՍԱՆՅՈՒԹ
Անկարայում միջադեպից հետո Թուրքիան հարվածում է Իրաքում PKK-ի բազաներին
Քաղաքականություն
02.10.2023 | 14:56
Թուրքական ինքնաթիռները կիրակի ուշ երեկոյան ավիահարվածներ են հասցրել Իրաքյան Քուրդիստանի տարածքին՝ այն բանից հետո, երբ նույն օրը տեղի ունեցած պայթյունից Անկարայում խորհրդարանի շենքի մոտ երկու ոստիկան էր վիրավորվել է։ Այս մասին գրում է AFP-ն, որին վկայակոչում է Turkish Minute-ը։
Պայթյունից հետո Թուրքիայի նախագահ Ռեջեփ Թայիփ Էրդողանը հայտարարել էր, որ «ահաբեկիչները երբեք չեն հասնի իրենց նպատակներին»։
Պայթյունի պատասխանատվությունը ստանձնել է Թուրքիայի և նրա արևմտյան դաշնակիցների կողմից ահաբեկչական խմբավորումների ցուցակում ճանաչված Քուրդիստանի աշխատավորական կուսակցությունը (PKK):
Թուրքիայի ՆԳՆ-ն հայտնել էր, որ երկու հարձակվողներն առավոտյան ժամը 9:30-ի սահմաններում մեքենայով մոտեցել են ՆԳՆ անվտանգության գլխավոր վարչության մուտքի դարպասին և պայթյուն իրականացրել:
«Ահաբեկիչներից մեկն իրեն պայթեցրել է, մյուսը սպանվել է գլխին հասցված գնդակից՝ նախքան իրեն պայթեցնելու հնարավորությունը»,- ասել էր ՆԳ նախարար Ալի Երլիկայան։
Թուրքիայի Պաշտպանության նախարարությունն էլ հայտարարել է, որ Հյուսիսային Իրաքում «օդային օպերացիա» է իրականացվել՝ «Քրդական աշխատավորական կուսակցությանը չեզոքացնելու համար»։ Նախարարությունը հայտնել է, որ «ահաբեկիչների կողմից օգտագործված 20 թիրախներ» ոչնչացվել են։
Էմմա Չոբանյան
