30.04.2026 | 22:19
Հայաստանի պետական սիմֆոնիկ նվագախմբի և Լա Սկալայի օպերային թատրոնի համագործակցությունը՝ Օմանում
Կիևում առաջին անգամ տեղի է ունենում ԵՄ երկրների ԱԳ նախարարների հանդիպումը
Քաղաքականություն
02.10.2023 | 15:55
Հոկտեմբերի 2-ին Կիևում ԵՄ անդամ բոլոր 27 երկրների արտաքին գործերի նախարարները հավաքվել են ոչ պաշտոնական հանդիպման։ Սա առաջին նման գագաթնաժողովն է, որը տեղի է ունենում Եվրամիության սահմաններից դուրս։
Եվրամիության արտաքին գործերի և անվտանգության քաղաքականության հարցերի գերագույն ներկայացուցիչ Ժոզեպ Բորելը սա «պատմական» է անվանել՝ հավելելով, որ Ուկրաինան ԵՄ ապագա անդամ է։ Ուկրաինայի մայրաքաղաքում է նաև Գերմանիայի արտգործնախարար Աննալենա Բերբոքը։ Տեղեկությունը հաստատել է Գերմանիայի ԱԳՆ ներկայացուցիչներից մեկը՝ ի պատասխան լրագրողների խնդրանքի, գրում է DW-ի ռուսական ծառայությունը։
Reuters-ի փոխանցմամբ՝ Կիևում ոչ պաշտոնական գագաթնաժողովում նախատեսվում է ընդգծել ԵՄ-ի անսասան աջակցությունն Ուկրաինային։ Անվտանգության նկատառումներից ելնելով՝ այս հանդիպման մեկնարկը հայտարարվել է միայն այն կայանալուց անմիջապես առաջ:
Ժոզեպ Բորելը հայտնել է, որ Ուկրաինայի մայրաքաղաքում հրավիրված գագաթնաժողովում, ի թիվս այլ բաների, նախատեսվում է քննարկել Կիևի խաղաղության ծրագիրը՝ միջազգային ասպարեզում նրա աջակցությունը մեծացնելու և Ուկրաինայում խաղաղ կարգավորման վերաբերյալ հաջորդ գագաթնաժողովը նախապատրաստելու համար։
