15.09.2026 | 12:01
Թող քրեական գործ սկսվի․ դուք դատվելու եք սուտ մատնության համար․ ՔՊ-ականը՝ Մխիթարյանին․ ՏԵՍԱՆՅՈՒԹ
Տարածաշրջանում աշխարհագրության ցանկացած փոփոխություն սրում է ճգնաժամը. Ալի-Աքբար Ահմադիան
Քաղաքականություն
01.10.2023 | 20:30
Հայաստանի Անվտանգության խորհրդի քարտուղար Արմեն Գրիգորյանին կիրակի օրը Թեհրանում ընդունել է Իրանի Ազգային անվտանգության բարձրագույն խորհրդի քարտուղար, գեներալ Ալի-Աքբար Ահմադիանը։ Հայտնում է իրանական Mehrnews-ը։
Հանդիպմանը գեներալ Ահմադիանը մատնանշել է տարածաշրջանում տեղի ունեցող վերջին զարգացումները և ընդգծել տարածաշրջանում խաղաղության և անվտանգության հաստատման համար յուրաքանչյուր կողմի ջանքերի անհրաժեշտությունը։
«Տարածաշրջանի աշխարհագրության ցանկացած փոփոխություն բերում է ապահովության բացակայության, անկայունության և սրում է ճգնաժամը»,- ընդգծել է նա։
ՀՀ անվտանգության խորհրդի քարտուղարն իր հերթին մատնանշել է երկու երկրների երկարամյա հարաբերությունները և հայտարարել Իրանի հետ հարաբերությունները համակողմանի զարգացնելու Հայաստանի պատրաստակամության մասին։
Գրիգորյանը նաև կարևորել է երկու երկրների միջև տնտեսական, առևտրային և արդյունաբերական նախագծերը և ընդգծել դրանց հնարավորինս արագ իրականացումը։
