08.09.2026 | 20:17
Պատրաստ եմ Ձեզ հետ մեկնել Բաքու. Ռուբեն Վարդանյանի կինը դիմել է Ալեն Սիմոնյանին
Անկարայում տեղի ունեցած պայթյունն ահաբեկչական հարձակման փորձ էր․ Թուրքիայի ՆԳ նախարար․ ՏԵՍԱՆՅՈՒԹ
Քաղաքականություն
01.10.2023 | 18:29
Այսօր Անկարայի կենտրոնում՝ Թուրքիայի ներքին գործերի նախարարության շենքի մոտ, պայթյուն է որոտացել, հայտնում է ՌԻԱ Նովոստին։
«Անկարայի կենտրոնում գտնվող Քըզըլայ թաղամասում պայթյուն է լսվել։ Ենթադրվում է, որ պայթյունը տեղի է ունեցել Ներքին գործերի նախարարության մոտ։ Շրջակայքի ճանապարհները փակ են երթևեկության համար»,- նշում է աղբյուրը։
Թուրքիայի ներքին գործերի նախարար Ալի Էրլիքայան հայտարարել է, որ պայթյունը կապված է ահաբեկչական հարձակման փորձի հետ։
«Երկու ահաբեկիչներ, մեքենա վարելով ՆԳՆ անվտանգության գլխավոր վարչության մուտքի դարպասի դիմաց, պայթյուն են իրականացրել։ Ահաբեկիչներից մեկն իրեն պայթեցրել է, երկրորդը վնասազերծվել է»,- ասել է նախարարը։
Լրատվամիջոցների հաղորդմամբ՝ ներքին գործերի նախարարության շրջակայքում անվտանգության ուժեղացված միջոցներ են մտցվել, ժամանակավորապես փակվել են նաև Թուրքիայի խորհրդարանի շենքի մուտքերն ու ելքերը։
