06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Բաքուն Դավիթ Բաբայանին ավելի քան 2 տասնյակ հոդվածներով մեղադրանք է առաջադրել
Քաղաքականություն
30.09.2023 | 18:11
Ադրբեջանական լրատվամիջոցները մանրամասներ են հաղորդել Ադրբեջանի գլխավոր դատախազության կողմից ԱՀ նախագահի աշխատակազմի ղեկավարի տեղակալ, նախկին արտգործնախարար Դավիթ Բաբայանին առաջադրված մեղադրանքի մասին։ Ըստ հաղորդագրության՝ Դավիթ Բաբայանը «զբաղվել է ազգային թշնամանքի և ատելության հրահրմանն ուղղված գործունեությամբ, համակարգել է ահաբեկչական խմբավորումների գործունեությունը»։
«Նա նաև մասնակցել է 2020 թվականի հոկտեմբերի 17-ին Գյանջա քաղաքի չպաշտպանված տարածքների, որտեղ բնակվում էր քաղաքացիական բնակչությունը, բնակավայրերի գնդակոծման, առանձին դաժանությամբ սպանության և բազմաթիվ քաղաքացիական անձանց վիրավորելու, ազգային թշնամանքի և ատելության հողի վրա ահաբեկչության հետ կապված հանցագործություններին։
2020 թ. հոկտեմբերի 29-ին Դավիթ Բաբայանը որպես մեղադրյալ է ներգրավվել Ադրբեջանի քրեական օրենսգրքի 100.1, 100.2, 32.3, 114.1, 32.3, 116.0.1, 32.3, 116.0.6, 32.3, 116.0.7, 32.3, 116.0.8, 32.3, 116.0.9, 32.3, 116.0.10, 117.2, 32.3,214.2.1, 32.3,214.2.3, 32.3,214.2.4, 283.2.1, 283.2.3 հոդվածներով»,- ասված է հաղորդագրության մեջ:
Հիշեցնենք, որ այսօր Ադրբեջանը 4 ամսով կալանավորել է Դավիթ Բաբայանին։
