22.05.2026 | 15:10
Թևանյանին անձեռնմխելիությունից զրկելու դիմում՝ ԿԸՀ-ին // Սամվել Կարապետյանը պնդում է՝ իրեն գործարք են առաջարկել․ ԼՈՒՐԵՐ
Ադրբեջանը կալանավորել է Դավիթ Բաբայանին
Հասարակություն
30.09.2023 | 15:29
Այսօր Բաքուն պաշտոնապես հաստատեց՝ կալանավորվել է Արցախի նախկին արտգործնախարար Դավիթ Բաբայանը: Լուրը հայտնել է Ադրբեջանի դատախազությունը․ Բաբայանը 4 ամսով կալանավորված է։
Սեպտեմբերի 28-ին Բաբայանը հայտարարել էր, որ որոշել է ներկայանալ Ադրբեջանի իշխանություններին։
«Բոլորդ գիտեք, որ ես ընդգրկված եմ Ադրբեջանի սեւ ցուցակում, և ադրբեջանական կողմը պահանջել է իմ ժամանումը Բաքու՝ համապատասխան հետաքննության համար։ Որոշեցի այսօր Ստեփանակերտից մեկնել Շուշի։
Այս որոշումը, բնականաբար, մեծ ցավ, անհանգստություն ու սթրես կպատճառի առաջին հերթին իմ սիրելիներին, բայց վստահ եմ, որ նրանք կհասկանան։
Իմ չներկայանալը կամ, որ ավելի վատ՝ փախուստը լուրջ վնաս կհասցնի մեր բազմաչարչար ժողովրդին, շատերին, և ես՝ որպես ազնիվ մարդ, աշխատասեր, հայրենասեր և քրիստոնյա, չեմ կարող դա թույլ տալ»,-գրել էր Բաբայանը։
