12.10.2026 | 12:19
Հյուսիսային Կորեան բալիստիկ հրթիռներ է արձակել Ճապոնական ծովի ուղղությամբ
Պետք է խուսափել զուտ կուսակցական վերնախավի գերիշխանությունից․ Դավիթ Հարությունյան․ ՏԵՍԱՆՅՈՒԹ
Քաղաքականություն
20.07.2018 | 12:53
Ընտրական օրենսգրքի բարեփոխումների քննարկմանը մասնակցող Դավիթ Հարությունյանն անտեղի է համարում «Ծառուկյան» խմբակցության պատգամավոր Նաիրա Զոհրաբյանի մտահոգությունը, թե հնարավոր է ընտրություններին երկու քվեաթերթիկով գնալու պարագայում քվեաթերթիկներից որոշներն այլ ուժեր յուրացնեն:
«Քանի որ ամեն ինչը տեսանկարահանված է, բերեք մի օրինակ նման դեպքի, ասեք, որ տեղամասում է, կհանենք տեսաձայնագրությունը և կհասկանանք՝ մեղադրանքները մերկապարանո՞ց են, թե՝ ոչ»,- ասաց Դավիթ Հարությունյանը՝ ի պատասխան Զոհրաբյանի անհանգստության։
Անդրադառնալով ՀՀԿ-ի առաջարկած բարեփոխումներին՝ Դ․ Հարությունյանը նշեց, որ «Ծառուկյանի» և «Ելք»-ի առաջարկած մոդելներում կա երկու թերություն, իսկ ՀՅԴ-ի առաջարկած տարբերակը ունի գոնե մեկ թերություն, և, այս առումով, իր համար նախընտրելի է հենց ՀՅԴ-ի առաջարկած տարբերակը։
«Մենք խորապես համոզված ենք, որ պետք է գնալ այդ ճանապարհով և պետք է անպայման խուսափել զուտ կուսակցական վերնախավի գերիշխանությունից, սա մոդել է, որը թույլ է տալիս ուժեղացնել ներկուսակցական ժողովրդավարությունը»,- ասաց Հանրապետական Դավիթ Հարությունյանը՝ շեշտելով, որ պաշտպանում է դաշնակցականների առաջարկած մոդելը։
Մանրամասները՝ տեսանյութում։
