15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Գույքագրել հայ-ռուսական հարաբերությունների առկա մակարդակը, լուծումներ առաջարկել նաև դրանց զարգացման և խորացման համար․ Արմեն Գրիգորյան
Քաղաքականություն
20.07.2018 | 12:06
Այսօր Երևանում իր աշխատանքը սկսեց «Հայաստան-Ռուսաստան իրականություն, խնդիրներ և հնարավորություններ» խորագիրը կրող համաժողովը, որին մասնակցում են մի շարք փորձագետներ և քաղաքագետներ։ Համաժողովին մասնակցում է նաև Ազգային անվտանգության խորհրդի քարտուղար Արմեն Գրիգորյանը։
Ողջունելով ներկաներին՝ Արմեն Գրիգորյանը նշեց, որ այս համաժողովը համախմբել է հայ և ռուս փորձագետների լայն շրջանակ, իսկ միջոցառման օրակագն արդիական է նրանով, որ քննարկվելու են հայ-ռուսական հարաբերությունների զարգացմանը վերաբերող հարցեր, ինչպես նաև՝ այդ հարաբերություններում առկա խնդիրները։
ԱԱԽ քարտուղարը համաժողովի անցկացումը կաևորեց նաև երկու երկրների միջև անվտանգության և ռազմատեխնիկական հարաբերություններին վերաբերող խնդիրների քննարկման տեսակետից։
«Ոչ միայն գույքագրել հայ-ռուսական հարաբերությունների առկա մակարդակը, այլ նաև լուծումներ առաջարկել այդ հարաբերությունների հետագա զարգացման և խորացման համար»,-ասաց նա՝ ընդգծելով, որ լիահույս է, որ այս համաժողովը կծառայի իր նպատակին՝ այն է՝ ամրապնդել հայ-ռուսական ռազմավարական դաշնակցային հարաբերությունների բնույթը։
