07.10.2026 | 23:48
Արթուր Դանիելյանը կալանավորվեց
Գազատարի հիմնարկեք, երկաթուղու կառուցում․ինչ համաձայնագրեր են ստորագրել Էրդողանն ու Ալիևը
Քաղաքականություն
26.09.2023 | 12:55
Թուրքիայի նախագահ Ռեջեփ Թայիփ Էրդողանն ու Ադրբեջանի նախագահ Իլհամ Ալիևը երեկ Նախիջևանում երեք համաձայնագիր են ստորագրել։ Երկու երկրների նախագահների միջև տեղի ունեցած բանակցություններից հետո տեղի է ունեցել համաձայնագրերի ստորագրման արարողությունը։
Ալիևն ու Էրդողանը ստորագրել են «Թուրքիայի Հանրապետության և Ադրբեջանի Հանրապետության միջև Կարս-Նախիջևան երկաթուղու նախագծի վերաբերյալ մտադրությունների արձանագրությունը»:
«Պատմական իրադարձություն է նաև Կարս-Նախիջևան երկաթուղու կառուցման մտադրության արձանագրության ստորագրումը, և ես վստահ եմ, որ այս նախագիծը հաջողությամբ կիրականացվի և կծառայի ինչպես Ադրբեջանին, այնպես էլ Թուրքիային և այլ երկրներին որպես Միջին միջանցքի ճյուղ»,-ասել է Էրդողանը։
Թուրքիայի շրջակա միջավայրի, քաղաքաշինության և կլիմայի փոփոխության նախարար Մեհմեդ Օջասեքն ու Ադրբեջանի քաղաքաշինության և ճարտարապետության պետական կոմիտեի նախագահ Անար Գուլիևը ստորագրել են համագործակցության համաձայնագիր Թուրքիայի Քահրամանմարաշ նահանգում բնակելի շենքեր, տարրական դպրոց, մանկապարտեզ, մշակութային կենտրոն կառուցելու վերաբերյալ։
Թուրքիայի էներգետիկայի և բնական պաշարների նախարար Ալփարսլան Բայրաքթարի և Ադրբեջանի էներգետիկայի նախարար Փարվիզ Շահբազովի կողմից ստորագրվել է փաստաթուղթ, որով կանոնակարգվում է էլեկտրաէներգիայի ոլորտում էներգետիկայի և բնական պաշարների նախարարության և Ադրբեջանի էներգետիկայի նախարարության միջև առկա համագործակցությունը։
Բացի այդ տեղի է ունեցել նաև Իգդիր-Նախիջևան գազատարի հիմնարկեքի արարողությունը։ Factor TV-ին ավելի վաղ ներկայացրել էր , թե ինչ է իրենից ներկայացնում նշյալ գազատարը և ինչ նշանակություն ունի։
Էմմա Չոբանյան/
